Grandland X ofron stil dhe prakticitet

Modeli Grandland X është një ndër më të rëndësishmit e prodhuesit gjerman për dy arsye të thjeshta. Së pari, ky model përfaqëson modelin më të madh aktualisht në gamën SUV dhe së dyti, ky model është konfirmuar si një sukses komercial, duke qenë që shitjet në treg kanë shënuar shifra përtej pritshmërisë. 

Për të dyja këto arsye, ky model duhet të ketë mundësisht çdo gjë që klientët do të duan për të personalizuar zgjedhjen e tyre. Do të jetë kjo arsyeja pse Opel ka menduar një listë aksesorësh që mund të porositen për të bërë Grandland X-in e secilit, special dhe unik.

Lista e opsioneve synon së pari të pasurojë zgjidhjet e nevojshme për transport, duke optimizuar hapësirën në bord dhe në bagazh. Kjo nuk do të thotë që ata që duan stilin dhe paraqitjen, nuk do të kenë mundësi të përzgjedhin aksesorë të linjës OPC line, një nivel sipëror në pamjen e Grandland-it.
Paketa FlexConnect ofron një listë aksesorësh që ndihmojnë të kemi një kabinë zotërinjsh: varëse shumëpërdorimshe, varëse rrobash, mbajtës për tablet dhe tavolinë që paloset janë disa nga elementët që do të thjeshtojnë jetën në bordin e Grandland-it. Një “zgarë” e dedikuar është mjaft e dobishme për të “lidhur” çdo objekt që ngarkohet në bagazh.

Nëse në ndonjë rast të vështirë do të keni më shumë se 1.652 litra bagazhe, një “valixhe” e veçantë (roof box Opel) që montohet në tavanin e makinës, është e disponueshme nga vetë Opel. Përmasat e kësaj pajisjeje janë (2.050x840x450 mm) dhe montohet fare thjeshtë nëpërmjet “power click”.
Paketa Thule përmban mbajtësin e biçikletave, box-e të tjera në përmasa të ndryshme apo shkallët e aluminit që mundësojnë kapjen me thjeshtësi të objekteve të ngarkuara në tavanin e makinës. Për të apasionuarit e sporteve “sexy” një pajisje e dedikuar ofrohet për surfboard-et, për skitë dhe për snowboard-et.

Për sa i përket anës estetike, nëpërmjet pajisjeve të paketës OPC Line, ofrohen një seri aksesorësh si disqe alumini ne design dhe përmasa të ndryshme, pedalet në alumin, etj. që do të bëjnë Opel Grandland X-in tuaj të duket më sportive dhe më aventuriere.

Kliko këtu për Opel Grandland X 2019: