Car of the Year 2020
Peugeot 208 është makina e vitit 2020
Peugeot 208 është “Makina e Vitit 2020“. Francezja e vogël (ose më mirë e madhe) triumfoi ndër 30 modelet konkurruese nga e gjithë bota. 281 pikë ishte totali i grumbulluar i 208, kundrejt 242 pikëve të vendit të dytë, ku gjejmë amerikanen elektrike Tesla Model 3 dhe gjermanes elektrike Porsche Taycan, me 222 pikë.
Juria që vendos për çmimin prestigjioz “Car of the Year” përbëhet nga 60 gazetarë të cilët kanë votuar gjatë një ceremonie me dyer të mbyllura. Tashmë, çdo gjë zhvillohet me dyer të mbyllura dhe për fat të keq, ky ishte edhe risku i Autosallonit të Gjenevës, i cili për shkak të coronavirus u detyrua të mbyllte dyert për publikun.
Peugeot bëhet kështu një nga markat me më shumë çmime të akumuluara ndër vite, saktësisht gjashtë të tilla. Çmimet e tjera kanë qenë 504 në 1969, 405 në 1988, 307 në 2002, 308 në 2014 dhe 3008 në 2017.
Pavarësisht sasisë së madhe të modeleve pjesëmarrëse, saktësisht katër, gjigandi japonez Toyota nuk arriti të fitonte një çmim.Gjithsesi, ndër kandidatët finalë Toyota Corolla zuri vendin e gjashtë me 152 pikë.
Finalistët në “Car of the Year 2020” ishin:
1° Peugeot 208 281 pikë
2° Tesla Model 3 242 pikë
3° Porsche Taycan 222 pikë
4° Renault Clio 211 pikë
5° Ford Puma 209 pikë
6° Toyota Corolla 152 pikë
7° BMW Seria 1 133 pikë
Pjesëmarrësit në konkursin “Car of the Year 2020” ishin këto marka me modelet përkatëse:
- Audi E-tron
- BMW 1 Series
- BMW Z4
- BMW X6
- BMW X7
- DS 3 Crossback
- Ford Puma
- Kia e-Soul
- Mazda 3
- Mazda CX-30
- Mercedes-Benz CLA
- Mercedes-Benz EQC
- Nissan Juke
- Opel Corsa
- Peugeot 208
- Porsche 911
- Porsche Taycan
- Range Rover Evoque
- Renault Captur
- Renault Clio
- Renault Zoe
- Škoda Kamiq
- Škoda Scala
- Subaru Forester
- Tesla Model 3
- Toyota Camry
- Toyota Corolla
- Toyota RAV4
- Toyota GR Supra
- Volkswagen T-Cross
